Ibiranga Ibinyabiziga (Plaque)

IBIRANGA IBINYABIZIGA (Plaque):

• RRA: ibinyabiziga by’abikorera ku giti cyabo.

• IT: ibinyabiziga byavuye mu mahanga by’agateganyo.

• MR: ibinyabiziga bicuruzwa.

• CD: Ibinyabiziga bya ambasade.

• CC: ibinyabiziga bya konsila.

• RL: remoruki na makuzungu.

• UN: ibinyabiziga by’abibumbye, GP: ibinyabiziga by’imishinga ya leta, GR: ibinyabiziga bya leta.

• RDF: ibinyabiziga by’igisirikare, RNP: ibinyabiziga by’a polisi, R: ivuga Repuburika y’u Rwanda.

N.B: • Ibati rya plaque y’imbere ni umweru naho irya plaque y’inyuma ni umuhondo.

• Uburebure bwa plaque y’imbere ni mm 440 naho ubugari bwayo ni mm 120.

• Uburebure bwa plaque y’inyuma ni mm 250 naho ubugari bwayo ni mm 205.

AMABARA Y’IMIBARE N’INYUGUTI ZA PLAQUE:

• RRA, RL, IT, MR: Umukara.

• GP, GR, UN, RNP: Ubururu.

• CD, CC, RDF: Icyatsi kibisi.

• R (izina bwite cyangwa sosiyete): Umutuku.

N.B 2: • Kubura icyapa ndanga cyangwa ikarita iranga ikinyabiziga bimenyeshwa ibiro byabitanze.

• Iyandika ry’ibinyabiziga by’abikorera ku giti cyabo n’iby’ambasade bifite ubusonerwa nk’ubwambasade rimenyeshwa ibiro bishinzwe imisoro.

• Iyo ikinyabiziga gikuwe mu muhanda cyangwa kijyanywe mu mahanga burundu, ikarita ndanga na nimero biranga ikinyabiziga bisubizwa ibiro byabitanze n’urwandiko rusobanura impamvu bigarutse (bitarenze amezi 2) kugira ngo imisoro idakomeza kubandwa.

• Iyo ikinyabiziga ari gishya kigira icyemezo cy’uwagikoze (CQ) cyangwa cy’uwagicuruje cyemeza ko ikinyabiziga cyatanzwe ari gishya kandi kerekana: ingeri y’ikinyabiziga, ubwoko bw’ibinyabiziga, ingufu za moteri, umubare ntarenga w’abagenzi, umwaka ikinyabiziga cyakorewe, uburebure ntarengwa bw’ikinyabiziga, inomero ya moteri y’ikinyabiziga, na inomero shasi y’ikinyabiziga.